تاند:( سې شنبه، د جدي اته ویشتمه) د هلمند ځايي چارواکو ويلي، چې د دې ولايت په مرکز لښکرګاه کې یوه پنځلس کلن هلک ځان وژلی دی.
د ځایي چارواکو د معلوماتو له مخې، دغه هلک له خپل پلار سره تر لفظي شخړې وروسته ځان زندۍ کړی دی.
د نوموړي کورنۍ او خپلوانو په دې اړه څه نه دي ويلي.
په وروستيو کې، په افغانستان کې د ځان وژنې پېښې زیاتې شوي، چې اقتصادي ستونزې او رواني ناروغۍ يې يو اصلي دلیل ګڼل کېږي.
د ملګرو ملتونو د ارقامو په اساس، په افغانستان کې تر ۲۴ میليونه پورې خلک سخت فقر ځپلي او ميليونونه نور د خوارځواکۍ له کبله د مرګ ګواښ سره مخامخ دي.