تاند:( يکشنبه، د جدي شپږ ویشتمه) طالب چارواکو ويلي، چې په هرات کې د استخباراتو ځانګړې قطعې د انسان تښتوونکو له منګولو یو تن آزاد کړی.
باختر اژانس په دې اړه نور جزییات نه دي ورکړي، خو ویلي چې د پېښې په تړاو ۴ انسان تښتوونکي نیول شوي او یو بل وژل شوی دی.
په هرات ولايت کې له پخوا راهیسې د انسان تښتونې پېښې ډېړې رامنځته کيږي.
د طالبانو د واکمنۍ له رامنځته کيدو سره دا پېښې لا هم دوام لري، خو په ډېرو مواردو کې د تښتول شویو کسانو د خوشې کیدو او اختطافګرو د نیول کیدو خبرونه ورکول کېږي.