تاند:( شنبه، د جدي اتلسمه) په هرات کې د طالبانو چارواکو ادعا کړې، چې ۵ تنه يې د « اخلاقي فساد» په تور نیولي دي.
په هرات کې د طالبانو د امنيه قومندانۍ په يوه اعلاميه کې ويلي، چې دغه کسان یې د هرات ښار په اوومه حوزه کې نیولي دي.
د سرچينې د معلوماتو له مخې، په نيول شویو کسانو کې ۳ تنه يې نارينه او ۲ نورې يې ښځې دي.
په نيول شویو کسانو تور لګول شوی، چې په بالفعل ډول د « اخلاقي فساد» په تور نیول شوي او عدلي او قضايي ارګانونو ته سپارل شوي دي.
د نيول شويو کسانو نظر په دې اړه نه دی معلوم.
د طالبانو د داسې نيونو په اړه د بشري حقونو فعالان انديښمن دي او تر ډېره يې داسې نيونو ته د خپلو مخالفانو خلاف د دسيسو جوړولو پلمې ګڼي.