تاند- له نن څخه 21 کاله پخوا د ۲۰۰۴ کال د دسمبر په ۲۶ مه د اندونیزیا د سوماترا ټاپو په لوېدیځ کې په هند سمندر کې ستره زلزله وشوه چې د ویجاړوونکې څونامي سبب شوه.
دې څونامي له تایلنډ او اندونیزیا رانیولې تر افریقا پورې د ګڼو هیوادونو ساحلي سیمې وځپلې او تر ۲ لکه ۲۰ زره ډېر انسانان یې مړه او تر یولکو ۲۵ زره ډېر نور یې ټپیان کړل.
د ځینو راپورونو پر اساس دې څونامي په ۱۴ هیوادونو کې تر دوه لکه ۳۰ زره ډېر کسان مړه کړل او ګڼ ساحلي ښارونه یې له خاورو سره خاورې کړل.
د زلزلې، چې شدت یې د ریښتر په کچه ۹ اعشاریه ۱ و، مرکز له سوماترا ټاپو ۱۶۰ کیلومتره لېرې په سمندر کې ۳۰ کیلومتره ژور و.
دا د ثبت شویو زلزلو په تاریخ کې درېیمه تر ټولو سخته او د وخت له نظره اوږده زلزله ګڼل شوې چې له ۸ تر ۱۰ دقیقو پورې یې ټکانونو دوام وکړ.