تاند:( يکشنبه، د جدي پینځمه) په خوست کې د جمهوري نظام د ملي اردو یوه غړي پرون د اقتصادي ستونزو له کبله ځان وژلی دی.
دا پېښه د اسماعېل خېلو او مندوزیو ولسوالۍ اړوند د ورزې په سیمه کې شوې ده.
وژل شوی کس حيات الله نومیږي او ورور یې محمد ګل رسنيو ته د خپل ورور ځان وژنه تایید کړې ده.
د محمد ګل په وينا، ورور يې د سختو اقتصادي ستونزو او وزګارتیا له کبله پر ځان لاسي بم چاودولی او ځان یې وژلی.
ویل شوي، چې له هغه څخه ۵ زامن او درې لوڼې یتیمان پاتې دي.
د طالبانو له واکمنیدو سره په افغانستان کې ۲۴ میلیونه خلک د خوراک څښاک څه نه لري او تر ۱۸ میلیونو پورې خلک وزګار شوي.
د دغه وضعيت له کبله نیږدې هره ورځ د هېواد له يوې سيمې د خلکو د ځان وژنې خبر ورکول کېږي.
د ځایي خبریالانو په خبره، دا ډول پېښې خورا زیاتې دي، خو اکثره یې د ټولنیزو حساسیتونو له کبله نه رسنيزې کیږي.
که دا خبره ريښتيا وي نو ډېر بد يي کړي چه دا کار يي کړي.
که دا خبره رښتیا وی او چا شهید کړی نه وی نو دیر بد کار یی کړی ژوند دخدای تحفه ده د هغی ضایع کول حرام دی