تاند:( شنبه، د جدي څلورمه) تازه ارقام ښيي، چې په پاکستان کې له تېرو ۴ کلونو راهيسې ۱۴ زره ښځې د جنسي تېريو قربانيانې دي.
دغه ارقام د پاکستان د بشري حقونو وزارت وړاندې کړي.
سرچينې ويلي، چې له تېرو څلورو کلونو په اوږدو کې د ښځو پر وړاندې د جنسي تېري تر ۱۴۰۰۰ زیاتې پېښې ثبت شوې دي.
د سرچينې د معلوماتو له مخې، له دغو پېښو څخه ډېرې يې د پاکستان په پنجاب ایالت کې ثبت شوي دي.
پاکستان له داسې وضعيت سره بيا هم سخت دریځه مذهبي ډلې لري او دا ډلې د افغانستان په ګډون په مختلفو هېوادونو کې نور سخت دريځه د جهاد په نوم جګړو ته هڅوي.
دا مذهبي ډلې خپله پاکستان کې د داسې غیر اخلاقي وضعيت او په مهارولو کې یې د خپل نظام د پاتې راتلو خلاف غږ نه پورته کوي.