تاند- ټاکل شوې ده چې د افغانستان او پاکستان د هلکانو د کرکټ ملي لوبډلې د افغانستان په کوربه توب درې سیالۍ وکړي.
د افغانستان د کرکټ بورډ په وینا، د دغو درو یو ورځنیو سیالیو نېټه د ۲۰۲۳ مارچ میاشت ټاکل شوې ده.
له ټاکل شوې مهالوېش سره سم به د افغانستان د کرکټ ملي لوبډله په ۲۰۲۲ – ۲۰۲۳ کلونو کې ۳۷ یو ورځینۍ، ۱۲ شل اوره او ۳ ټیستلوبې وکړي.
د افغانستان او پاکستان د سیالیو کره نېټه به وروسته په ګوته شي.
د سږ کال په لومړیو کې هم ټاکل شوې وه چې د افغانستان د کرکټ لوبډله د څو سیالیو لپاره پاکستان ته لاړه شي خو وروسته د دوی سیالۍ لغوه شوې.