تاند:( یکشنبه، د قوس اوومه)د طالبانو اسلامي امارت د دوی په سرپرست حکومت کې د لوړپوړو پوځي چارواکو په توګه د ۶ ملایانو د تازه ټاکنې خبر ورکړی.
په دې اړه د طالبانو په خپره شوې اعلامیه کې داسې راغلي:
۱ .حافظ عبدالمجید صاحب د ملي دفاع وزارت د پرسونل او تعلیماتو د سرپرست معین په حیث.
۲ .مولوي امان الدین صاحب د لوی درستیزوالي د هوایي قوماندانۍ د سرپرست قومندان په حیث.
۳ .مولوي نصرالله مطیع د ۳۱۳مرکزي قول اردو د سرپرست قومندان په حیث.
۴ .شیخ نقیب الله صاحب د ۳۱۳ مرکزي قول اردو د سرپرست رئیس ارکان په حیث.
۵ .مولوي عبدالعزیز انصاري د ۲۱۵ عزم قول اردو د سرپرست رئیس ارکان په حیث.
۶. مولوي حیات الله د کندهار ولایت د مرستیال په حیث وټاكل شول.
يادې ټاکنې په داسې مهال شوي، چې د تېرې جمعې پر ورځ د طالبانو د دفاع وزارت سرپرست مولوي محمد یعقوب مجاهد په یوه غونډه کې د هوايي ځواک پخوانيو منسوبینو ته تر پخوا د ډېر پياوړي هوايي ځواک د جوړېدو ډاډ ورکړ.
له دې سره، د افغانستان له مختلفو سيمو څخه د مخکينيو پوځي منسوبینو د موموزو وژنو او ځورونو خبرونه زيات شوي او پړه يې پر طالبانو اچول کیږي.
طالبان بيا په دې اړه تورونه نه تاييدوي.
طالب انشاءالله چی پر خپل لاس د خپلو تباهی لاره پرانیستلی او ډیر زر به نابود شی.
مرحوم برهان الدين رباني خو حميد ګل د خپل مشاور په توګه ټاکلی وو او د افغانستان د اردو جوړولو کې يې ترې مرسته غوښتې وه، خو ملا حسن اخوند دې د سميع الحق زوی حامدالحق او د مفتي محمود زوی مولانا فضل الرحمان د خپلو مشاورينو په توګه وټاکي او له حميد فيض نه دې د افغانستان د نوې اسلامي اردو د بيا جوړولو کې د مرستې غوښتنه وکړي. حميد فيض يې چې کابينه وروټاکله، نو پوځي مشاور دې يې هم کړي. موږ خو اوس د پنجاب پينځمه صوبه يو.
فوکستان بیا خوپله لوبه شروع کړو
دولته یو اتاتورک پوکار دی – چه دمولوانو خوتمه وکړی
دو شرم نه لوری – دطولبان شڅی فونچابیانو