تاند (یکشنبه، د عقرب ۱۳مه) سپېس ایکس په وروستیو څو ورځو کې د فالکن ۹ توغندي په وسیله د سټارلینک ۵۳ نورې سپوږمکۍ فضا ته ولېږلې.
دا د کیپ کاناورال له فضايي مرکزه په روان کال کې پنځه ویشتم ځل دی چې د سپېس ایکس سپوږمکۍ فضا ته استول کېږي.
د سټارلینک سپوږمکۍ له توغول کېدو ۱۵ دقیقې وروسته د مځکې په مدار کې پرېښودل شوې.
د مځکې مدار ته د دغو سپوږمکیو له رسېدو سره د سټارلینک د سپوږمکیو شمېر ۱۸۴۴ ته ورسېد.
دا سپوږمکۍ د مځکې له مداره مځکې ته غښتلی انترنیټ لېږي.