تاند:( جمعه، د عقرب يوويشتمه) د پاکستان د ملي امنیت سلاکار موئید یوسف وایي، چې دغه هېواد تراوسه د پاکستان د تحریک طالبان د غړو د بښلو په اړه کومه پریکړه نه ده کړې.
هغه په یوه ټلویزوني مرکه کې ویلي، چې دوی له دې ډلې سره د خبرو له لارې د ستونزې حل ته دوام ورکوي.
نوموړي دا هم ویلي، چې له تحریک طالبان پاکستان سره د سولې تړون به د پاکستان د قوانینو مطابق ترسره کیږي.
په افغانستان کې د نا امنۍ ګواښونو له شدت سره هم مهاله، د کورنیو چارو وزارت لپاره د طالبانو ټاکل شوی وزیر سراج الدین حقاني د پاکستان د حکومت او تحریک طالبان پاکستان تر منځ د سولې په منځګړيتوب اخته دی.
هغه توانیدلی، چې د دواړو لوريو ترمنځ يو مياشتنی اوربند رامنځته کړي.
د اوربند په تړون کې راغلي، چې دغه تړون د پاکستان د ملي ګټو او سوله ییز کیدو لپاره تر سره شوی دی.
پاکستاني طالبانو، چې له څه باندې یوې لسیزې راهیسې د شرعي نظام د حاکمولو لپاره جنګیدلي، نه دي ويلي چې ولې یې د سولې تړون کې د شرعي نظام موضوع ته ده ياده شوې.