تاند:( جمعه، د عقرب څوارلسمه) له باميان ولايت څخه راپورونه وايي، چې هلته د طالبانو د استخباراتو پر سيمه ييز رئیس مهدي مجاهد وسله وال برید شوی دی.
خپله مهدي مجاهد رسنيو ته ويلي، چې په دې برید کې هغه زيانمن شوی نه دی، خو ۳ ساتونکي یې ټپيان شوي دي.
طالبانو دا برید « ترهګريز» عمل ګڼلی دی.
دوی د بريدګر لوري په اړه جزييات نه دي ورکړي.
باميان د افغانستان له هغو ولايتونو څخه دی، چې تر اوسه پکې د داعش ډلې د فعالیتونو د پیل خبر نه دی ورکړل شوی.
د افغانستان په مختلفو سيمو کې پر طالب چارواکو تر اوسه د ډېرو ورته بریدونو مسوولیت داعش ډلې پر غاړه اخيستی.
په بامیان کې تر ډېره هزاره توکمه افغانان ژوند کوي او اوسیدونکي یې د طالبانو په تېره واکمنۍ کې هم د دوی خلاف جنګیدلي دي.
د هزاره ګانو يو مشهور مشر محمد محقق، چې د عبدالرب رسول سياف په مشرۍ د طالبانو پر وړاندې د ملي مقاومت د عالي شورا له مشرانو غړو څخه دی، په وروستيو کې په پرله پسې ډول طالبان په بشري جنايتونو تورنوي او پر ضد یې د وسله والې مبارزې ګواښ کوي
محقق نه دي ويلي، چې د طالبانو د استخباراتو پر رئیس برید کې خو به د دوی ځواکونه لاس نه لري.
دا دفلم شروع ده روځ تر بلی به انشاءالله طالب ضد حرکتونه پکار اچول کیږی او د پنجابی استعمار او اشغال ختمیږی. پنجاب نن سبا افغان خاوره په مفته استعمالوی او خپل تجارت پری کوی په کوم امتیاز سره، په کوم سند سره؟