تاند:( جمعه، د عقرب اوومه)‏ ‏د فيسبوک کمپنۍ مالک مارک زاکربرگ، د دغې کمپنۍ نوی نوم اعلان کړ.
نوموړي ويلي، چې دا کمپنۍ به زر د Meta په نامه ونومول شي.
د نوموړي په وينا، چې په دې اړه پريکړه نهايي شوې او زر به يې عملي اقدام هم پيل شي.
د زاکربرگ په خبره، چې د فيسبوک د نوم دغه بدلون به د ده پر اړوندو نورو ټولنيزو رسنيو ( انسټګرام او واټسپ) عملي نه شي.
.فيسوک کمپنۍ څه موده مخکې د څو ساعته تخنيکي ستونزې له کبله په ميليونونه ډالره تاوان وکړ.
د افغانستان په ګډون ډېرو هېوادونو کې دا ټولنیزه رسنۍ په ميلياردونو کارونکي لري، خو په وروستيو کې ترې د نارضايتۍ راپورونه زيات شوي.