تاند (یکشنبه، د عقرب ۲ مه) د کرکټ د نړیوال شل اوره جام سیالیو په دوام کې نن بنګله دېش له سریلانکا او هنړ له پاکستان سره مخامخ کېږي.
پرون انګلیستان په ۶ ویکټونو او ۷۰ توپونو ویسټ انډیز ته ماتې ورکړه.
د کرکټ په نړیوال شل اوره جام کې به سبا افغانستان په خپله لومړنۍ مسابقه کې له سکاټلنډ سره مخامخ شي.
سکاټلنډ د دې جام له ۱۲ غوره لوبډلو سره تر یوځای کېدو مخکې خپلې ټولې درې سیالۍ وګتلې او په خپل ګروپ کې د لومړي ټیم په توګه د نړیوال جام اصلي سیالیو ته راووت.
که څه هم افغانستان او سکاټلنډ تراوسه پورې شاوخوا ۱۸ مسابقې کړي او ډېرې یې افغانستان ګټلي خو دا مسابقه د داړو لوبډلو د نورو سیالیو لپاره هم ډېره مهمه ده.
افغانستان په دوهم ګروپ کې له هند، نیوزیلنډ، پاکستان، سکاټلنډ او نامیبیا سره یوځای دی.
له سکاټلنډ سره د افغانستان سبانۍ مسابقه په شارجه کې کېږي.