تاند:( دوشنبه، د ميزان شپږ ويشتمه) د طالبانو د اسلامي امارت وياند ذبيح الله مجاهد وايي، چې د دوی يو پلاوی د مخابراتي شبکو د خدمتونو په اړه څېړنې پیل کړي، څو په بیو کې یې لازم کمښت راوستل شي.
د مجاهد په خبره، په دې برخه کې د مخابراتي خدمتونو د تنظيم ادارې (اترا) سره هم خبرې شوي دي.
هغه دا هم ويلي، چې پر مخابراتي خدمتونو ۱۰ سلنه مالیه به دوام ولري او د دوی امارت به يې تر لاسه او د ملي عوايدو برخه وګرځوي.
غ طالبانو وياند نه دي ويلي، چې ياد شوی پلاوی کله، د چا به مشرۍ او ګډون جوړ شوی او د کار پايلې به يې کله معلومی او عملي شي؟
مخابراتي شبکو په دې اړه څه نه دي ويلي.
مخکې د مخابراتي خدمتونو د بیو د لوړوالي يو عمده دليل له دغو شبکو څخه د طالبانو باج ګيري، د شبکو پر امنيت ساتلو پراخ لګښتونه او ورته نور لاملونه ګڼل کېدل.
خلکو بيا بيا نيوکه لرله او لا هم لري، چې د مخابراتي شبکو د خدمتونو بيې لوړې او کیفیت يې ټيټ دی، چې بايد بدلون پکې راوستل شي.
د يادونې وړ ده، چې په افغانستان کې د طالبانو له واکمنیدو سره، بېوزلي او بشري ناورين اوج ته رسېدلی او خلک د درې وخته ډوډۍ له برابرولو عاجز دي.
ويل کيږي، چې تر ۳ ميليونه پورې افغان ماشومان دا اوس د سخت فقر له کبله د مرګ ګواښ سره مخامخ دي.
تاند وال د طالبانو سره د خپلې دښمنۍ څخه نه اوړي. داسې خبر به نه وي چې تاند وال طالبان په کې تخریب نکړي. پسرلی خو داسې نه وو. دوی به خدای وشرموي. دوی د لنډغرو سپي او د هغوی په خدمت کې دي.