تاند (دوشنبه، د میزان ۱۱) له نن څخه ۳۷ کاله پخوا د ۱۹۸۴ کال د اکتوبر په ۱۱ مه په لومړي ځل یوه ښځه فضا ته لاړه. د متحدو ایالتونو د نیوجرسي اوسېدونکې کاترین سولیفان، فضا ته په سفر لاړه.
دې په کلیفورنیا پوهنتون کې د مځکې د ساینس په برخه کې لیسانس کړی او وروسته یې د ستورپېژندنې او سمندرپېژندنې په برخه کې زده کړو ته دوام ورکړی دی.
له نن څخه ۲۸۴ کاله پخوا د ۱۷۳۷ کال د اکتوبر په دې ورځ د هند په کلکته کې ډېره سخته زلزله وشوه او په هماغه وخت کې اعلان وشو چې ۳ لکه تنه پکې وژل شوي او نیمايي کلکته ویجاړه شوې ده.
خو وروسته څرګنده شوه چې د وژل شویو کسانو په شمېر کې له مبالغې کار اخیستل شوی او اصلي شمېر ۳۰ زره دی.