تاند:( چارشنبه، د ميزان اوومه) د افغانستان د ملي پيوستون د طالبانو د عدليې د وزير عبدالحکیم شرعي هغو څرګندونو ته غبرګون ښودلی، چې وايي د ظاهرشاه د اساسي قانون له غیر شرعي برخو پرته به دغه قانون په موقت ډول نافذیږي.
سید اسحاق ګيلاني په يوه ټلويزيوني مرکه کې وويل: د ۱۳۴۳ کال اساسي قانون د شهيد موسی شفيق په شان شخصيتونو له لوري، چې په الازهر کې يې شرعيات لوستي وو، جوړ شوی.
اسحاق ګیلاني له طالب وزير څخه غوښتنه وکړه، چې د ده په نظر د اساسي قانون هغه برخې په ډاګه کړي، کومې چې ورته د اسلام خلاف ښکاري.
دغه روحاني شخصیت دا هم وويل چې د افغانستان قوانين ان د کمونيستانو په واکمنۍ کې غیر اسلامي نه وو.
اسحاق ګیلاني د طالبانو لخوا د ياد اساسي قانون عملي کولو ته لېوالتيا د هرکلي وړ وګڼله، خو ټينګار يې وکړ چې د همدغه قانون له مخې بايد د دولت درې ګونې قوې فعاله، صلاحیتونه يې تفکیک، د انتخاباتو له لارې يې د واک مشروعيت اعاده او دغه راز له نړيوالو سره تعامل وکړي.
د طالبانو د اسلامي امارت د سرپرستې کابينې عدليې وزير عبدالحکیم شرعي پرون د چين سفير سره د لیدنې پر مهال وويل چې تر موقتې مودې به د ظاهرشاه د واکمنۍ اساسي قانون نافذ شي.
هغه په ورته وخت کې ويلي، چې د دغه قانون غير اسلامي برخې به نه عملي کېږي.
که همدا نن د طالبانو له خوا د ګېلاني په خوله کې کوم شی ورواچول شي، بیا به هر څه ښه وي او د طالبانو به صفتونو به پیل وکړي. اوس ټول ملت ګېلاني او ګېلاني خیل ښه پېژني چې دوی ټول عمر د چا په خدمت کې وو او په څه ډول یې شتمنۍ ترلاسه کړي دي. دوی د خپل طفیلي ژوند، عزت او د نورو د غولولو دوام غواړي او بس. مننه
البته ځینی وخت د ( یوه ) پلار اولادونه هم پخپلو منځونو کی د نظر اختلاف سره لری او حتی یو د بل خوټی له ریښو سره را باسی. د ګیلانیانو او طالبانو پلار مشترک دئ ( انګریز ).