تاند: ( سې شنبه، د ميزان شپږمه) د طالبانو د اسلامي امارت وياند ذبيح الله مجاهد ويلي، چې په بدخشان کې يې ځواکونو د ۲۵ ټنه لاجوردو د قاچاق مخنيو کړی دی.
د مجاهد د معلوماتو له مخې، ۳ تنو د لاجوردو دغه تېږه غوښتل قاچاق کړي، خو دوی یې مخنیوی کړی دی.
معلومه نه ده، چې دغه تېږه چېرته قاچاق کيده؟
بدخشان له هغو ولايتونو دی، چې ډېرې قیمتي ډبرې لري.
په دې کار کې يو شمېر ځايي مافیایي ډلې او خپله د طالبانو وسله وال مخکې په لاس لرلو تورن ول.
طالبانو نه دي ويلي، چې دغه ډبرې يې څه کړل، د کانونو ساتنې او استخراج ته څه پلان لري او نیول شویو تورنو کسانو سره به څه کيږي؟