تاند:( دوشنبه، د میزان پینځمه) د افغانستان پخواني ولسمشر حامد کرزي او په کابل کې د ملګرو ملتونو د سرمنشي ځانګړې استازې مېرمن ديبورا لاينز په افغانستان کې د ټول ګډونه حکومت په جوړیدو ټینګار کړی.
د کرزي مطبوعاتي دفتر ويلي، چې دواړو لوريو پرون د کرزي په دفتر کې سره ليدلي.
په دې ليدنه کې د افغانستان د اقتصادي وضعيت او د ملګرو ملتونو د بشر دوستانه مرستو په اړه هم خبرې شوي.
د ټول ګډونه حکومت په اړه کرزي او ځانګړې استازې ويلي، چې له جوړېدو سره یې باید د ښځو او نارينه وو په ګډون د ټولنې د ټولو قشرونو حقونه خوندي او په افغانستان کې د ثبات او پراختيا زمينه برابره شي.
طالبان بيا خپل اعلان کړی اسلامي امارت ټول ګډونه ګڼي او وايي د ټولو خلکو استازيتوب پکې موجود دی.