تاند ( پنج شنبه، د سنبلې ۲۵) د کرابین لیګ پایلوبه د سېنټ لوشیا کینګز او کېټس پاټوریټس ترمنځ ترسره شوه.
د کېټس پاټوریټس لوبډلې په دې لوبه کې بریا ترلاسه کړه.
د دې لوبې پچه د سېنټ لوشیا لوبډلې وګټله او پخپله یې د توپ وهنې پرېکړه وکړه.
یادلې لوبډلې په ټاکلو ۲۰ اورونو کې د ۷ لوبغاړو په سوځېدو ۱۵۹ منډې وکړې.
راکیم کورنوال او روسټن چیس ۴۳-۴۳ او کیمو پال ۳۹ منډې جوړې کړې.
کېټس پاټوریټس ټاکل شوی هدف د ۷ لوبغاړو په زیان پوره او پایلوبه یې په خپل نوم کړه.
ډي سلوا ۳۷ او دومینک ډرکس ۴۷ ناسوځېدلې منډې وکړې.
د لوبې غوره لوبغاړی ډومینک ډرکس او د لیګ غوره لوبغاړی روسټن چیس وټاکل شو.