تاند ( پنج شنبه، د سنبلې ۲۵) د افغانستان د کرکټ ملي لوبډلې نن پنج شنبه په ننګرهار کې تمریناتي کيمپ پیل کړ.
د کرکټ بورډ ویاند فرید هوتک تېره ورځ رسنیو سره په خبرو کې دا خبره کړې وه، چې ملي لوبډله به د راتلونکې نړیوال شل اوریز جام لپاره د چمتوالي په موخه پنج شنبه په ننګرهار کې تمریناتي کیمپ پیل کړي.
د هغه په خبره په دې کیمپ کې به ټول هغه لوبغاړي ګډون ولري، چې د نړیوال جام لپاره اعلان شوي دي.
دا په داسې حال کې ده، چې څو ورځې وړاندې کرکټ بورډ ویلي وو،چې د ملي لوبډلې د چمتوالي روزنیز کیمپ به په کابل کې ترسره شي، خو اوس په ننګرهار کې پيلېږي.
کرکټ بورډ زیاته کړې وه، چې د دې تمریناتي کیمپ مشري به د اصغر افغان پر غاړه وي.
سرچینې یې لامل دا ښودلی وو، چې لوبډلمشر محمد نبي ، راشد په دوبۍ او نجیب ځدران، چې مرستیال لوبډلمشر دی په پېښور کې دی.