تاند ( یکشنبه، د سنبلې ۲۱) د افغانستان او بنګله دېش له ۱۹ کلنو د کم عمره ملي لوبډلو ترمنځ دوهمه لوبه هم بنګله دېش وګټله.
افغان لوبډلې لومړی توپ وهنه وکړه ، چې د ټولو لوبغاړو په سوځېدو یې په ۴۲ اورونو کې یواځې ۱۰۱ منډې وکړې او بنګله دېشۍ لوبډلې ته یې د ۱۰۲ منډو هدف ورکړ.
سباوون بنوري ۲۵ تر نورو ډېرې منډې جوړې کړې.
بنګله دېش لپاره بیا نعیم الرحمن څلور افغان لوبغاړي وسوځول.
د بنګله دېش لپاره موفجل الاسلام ترټولو زیاتې ۳۱ منډې وکړې او دغه راز د افغان لوبډلې له لوري بیا اظهارالحق نوید او شاهدالله حسني ډېره ښه توپ وهنه وکړه او دواړو په ترتیب سره څلور او درې لوبغاړي وسوځول.
بنګله دېش د دلې لوبې په ګټلو سره له افغان لوبډلې ۲-۰ مخکېوالی لري.