تاند- ډنمارکي څېړونکي بریالي شوي چې د خپل هیواد د شمال د سمندر په یوه لېرې سیمه کې یو ټاپو کشف کړي.
دا ټاپو صرف ۳۰ متره پلنوالی او ۶۰ متره اوږدوالی لري او تر اوسه پرې نوم نه دی اېښودل شوی.
د ډنمارکي څېړونکو په وینا، دا ټاپو د ډنمارک له اصلي خاورې د نورو ډنمارکي ټاپوګانو په پرتله تر ټولو لېرې دی خو په نسبي ډول ګرینلنډ ته، چې د ډنمارک تر ټولو ستر ټاپو دی، نژدې دی.
څېړونکو تر دې مخکې د دې لپاره چې دا تازه کشف شوی ټاپو ډېر کوچنی دی، هغه یې نه و لیدلی.
دا ټاپو د سمندر له اوبو یوازې ۴ متره لوړ دی او ډېره برخه یې جبه، چکړې او شګلنه ده.