تاند(جمعه، د سنبلې ۵) د کابل هوایي ډګر کې پر ملکي وګړو تېر مازدیګر ناوخته دوه پرلپسې چاودنې وشوې.
په یادو چاودنو کې د مرګ ژوبلې ارقام هر ساعت بدلون کوي.
تازه سي بي اېس په یوه راپور کې ویلي، چې د تېر مازیګر په چاودنو کې د مړو سمېر تر ۹۰ تنو پورته شو او د ټپیانو شمېر ۱۵۰ ورسېده.
سرچینه دغه راز د جنرال کنت مک کنزي له قوله ویلي، چې په دې چاودنو کې ۱۲ امریکایي سرتېري هم وژل شوي او ۱۵ نور ټپیان شوي دۍ.
د دې چاودنو مسوولیت داعش ډلې په غاړه اخیستی دی.
بل لورته طالبانو په ټینګار سره یو وار بیا ویلي، چې د هوایي ډګر په کنترول او بهر ته د تلونکو کسانو په مدیریت کې امریکا په بشپړه توګه ناکامه شوې او لویه ګډوډي یې جوړه کړې ده.
طالبان وایي د هوایي ډګر دننه ځینې چاودنې خپله امریکایانو کړې، چې خپلې ځینې وسلې یې پرې له منځه وړې دي تر څو له استفادې ولویږي.
دې چاودنو په کور دننه او د باندې افغانان سخت دردولي دي.