تاند (یکشنبه، د اسد ۱۰) عبدالشکور قادري وتوانېده، چې خپل روسي سیال ته ماتې ورکړي او بریا خپله کړي.
قادري په دوهم رونډ کې په سبميشن حرکت خپل سیال په ګونډو کړ.
قادري څو کاله د کورش د ملي لوبډلې غړی وو او هغه له دې وړاندې د کورش په آسیایي لوبو کې چې په تايلنډ کې ترسره شوې د برونزو مډال ګټلی وو.
د قادري مینه وال هم خوښ دي او ګڼو یې په خپلو ټولنیزو پاڼو یو بل ته د دې بریا مبارکیانې ویلي دي.
دغه راز په یوه بل خبر کې بیا محمد یوسف صادق د افغانستان د والیبال ملي لوبډلې روزونکی د تاجکستان د فوټبال فدراسیون په رسمي بلنه د یاد هېواد د والیبال لوبډلې روزونکی وټاکل شو.
ټاکل شوې د تاجکستان د والیبال ملي لوبډله د لومړي ځل لپاره د اسیا د مرکزي زون په لوبو کې ګډون وکړي.
هدا لوبې د روانې اګسټ میاشتې په ۱۵مه نېټه پيلېږي.