تاند (سه شنبه د اسد ۵) په پکتیا کې د طالبانو د پوځي کمیسیون غړی عبدالحق عمري ووژل شو.
په قطر کې د طالبانو د سیاسي دفتر غړی انس حقاني وايي، د دې ډلې د مشرتابه او مذاکره کوونکې ډلې د غړي محمد نبي عمري زوی له افغان ځواکونو سره په جګړه کې وژل شوی دی.
انس حقاني پر خپل ټویټر د عبدالحق عمري د وژل کېدو پخلی کړی، خو په دې هکله یې ډېر جزیات نه دي ورکړي.
راپورونه وايي، عبدالحق عمري په خوست ولايت کې د جګړې پر مهال د افغان ځانګړو ځواکونو له لوري وژل شوی دی.
امنيتي مسؤلين وايي چې هغه د پکتيا ولايت لپاره د طالبانو د نظامي کمېسيون مرستيال هم و.