تاند ( سه شنبه، د اسد ۵) د افغانستان د کرکټ ملي لوبډلې پياوړي لوبغاړي راشد خان تېره ورځ د انګلستان د سلو توپونو په لوبو کې له کماله ډکه توپ اچونه وکړه.
نوموړي د روکیټس لوبډله بریالۍ کړه او غوره لوبغاړی شو.
دا لوبه تېره ورځ ناوخته د ناردرن سوپر چارجرز او ټرینټ روکیټس لوبډلو ترمنځ ترسره شوه.
ناردرن سوپر چارجز په ۹۹ توپونوکې ټول لوبغاړي له لاسه ورکړل او ۱۳۲ منډې وکړې.
راشد خان مرچنټ دي لانج ۳-۳ لوبغاړي وسوځول.
د ټرینټ روکیټس لوبډلې په ۹۴ توپونو د ۸ لوبغاړو په سوځېدو ټاکل شوی هدف پوره کړ او بریا یې خپله کړه.
د دوی له خوا الیکس هیلس ۴۰ ناسوځېدلې او راشد خان ۲۵ منډې ترلاسه کړې.
د سوپر چارجز سره بیا بل افغان لوبغاړی مجیب لوبېده او نوموړي هم ۲ لوبغاړي وسوځول.
راشدخان د ۳ لوبغاړو په سوځولو او ۲۵ منډو په ترسره کولو غوره لوبغاړی شو.