تاند ( دوشنبه، د اسد ۴) د هند او سرېلانکا ترمنځ لومړۍ نړیواله شل اوریزه لوبه تېره شپه ترسره شوه، چې په کې هند لوبډلې بریا خپله کړه.
په دې لوبه کې پچه سرېلانکا وګټله او هند ته یې د توپوهنې بلنه ورکړه.
هند په ټاکلو ۲۰ اورونو کې د ۵ لوبغاړو په سوځېدو ۱۶۴ منډې وکړې.
سوریا کمار یادو ۵۰، شیکر دهون ۴۶ او سنجو سمسون ۲۷ منډې وکړې.
د سریلانکا ټوله لوبډله په ۱۹ اورونو کې د ۱۲۶ منډو په جوړولو وسوځېده او د ۳۸ منډو په توپیر یې ماتې وخوړه.
چاریت اسالنکا ۴۴ او اویشکا فرنانډو ۲۶ منډې وکړې.
د هند لپاره بوینشور کمار ۴ لوبغاړي سرېلانکايي لوبغاړي وسوځول.
د یادو دواړو لوبډلو ترمنځ به دویمه نړیواله شل اوریزه لوبه د جولای په ۲۷مه نېټه ترسره شي.