تاند ( شنبه، د اسد ۲) سرېلانکا کرکټ ملي لوبډلې په ۳يمه يو ورځنۍ لوبه کې هندوستان ته په ۳ ويکټو ماته ورکړه خو دغه لوبلړۍ هندوستان ۲-۱ وګټله.
وروستۍ لوبه تېره شپه ترسره شوه، چې په کې هند په ۵۰ اورونو کې د ټولو لوبغاړو په سوځېدو ۲۲۵ منډې وکړې او سرېلانکا ته یې د ۲۲۶ منډو هدف ورکړ.
پرتوي شاه ۴۹ او سنجو سمسون بیا ۴۶ تر نور ډېرې منډې وکړې.
سرېلانکا لپاره بیا اکېلا دننجایا ۳ هندي لوبغاړي وسوځول.
سرېلانکا د ۷ لوبغاړو په زیان ۲۲۷ منډې وکړې او لوبه یې د ۳ لوبغاړو په شتون وګټله.
فرنندو ۷۶ او بنوکا ۶۵ تر نورو ډېرې منډې جوړې کړې.
هند لپاره بیا راهول چاهار ۳ سرېلانکایي لوبغاړي وسوځول.
د یادونې ده، چې له دې وړاندې دوه یو ورځنۍ لوبې هندۍ لوبډلې ګټلې وې.