تاند ( شنبه، د اسد ۲) د افغانستان کرکټ بورډ د پاکستان پر وړاندې د راتلوونکو درېیو یو ورځینو لوبو لپاره لوبډله اعلان کړه.
په دې لوبډله کې تر ډېره ځوانو لوبغاړو ته وخت ورکړل شوی دی.
په دې لوبډله کې : « رحمن الله ګربز، ابراهیم ځدران، صدیق اتل، رحمت شاه، حشمت شهیدي (لوبډلمشر)، نجیب الله ځدران، اکرام علي خېل، شاهد کمال، محمد نبي، کریم جنت، عظمت الله عمرزی، راشد خان، عبدالرحمن، نوین الحق، مجیب ځدران، فضل الحق فاروقي او نور احمد لکڼوال شامل دي.
په احتیاطي لوبغاړو کې یوسف ځاځی، سلیم صافی، شرف الدین اشرف او قیس احمد شامل دي.
د کرکټ څارونکي بیا پر دې لوبډلې سختې نیوکې لري.
دوی وایي، افغان کرکټ بورډ یو ځل بیا له ځینو مستحقو لوبغاړو سره سلیقوي چلند کړی او لوبډله کې یې نه دي اخیستي.