تاند ( سه شنبه، د سرطان ۲۲) د روسي خبري اژانسونو ویلي، چې روسي چارواکوپرېکړه کړې چې خپل ديپلوماتان د مزار شریف له کونسلګرۍ وباسي.
روسي چارواکو ویلي چې دا پرېکړه موقتي ده او د وضعیت تر ښه کېدو وروسته به بېرته د دوی دیپلوماتان په کونسلګرۍ کې ځای پر ځای شي.
په ورته وخت کې په تاشکند کې هم چارواکو ویلي چې روسي دیپلوماتان له افغانستان څخه دغه ښار ته لېږدول شوي دي.
ځایي خبریالان بیا وایي، چې په مزارشریف ښار کې د روسیې کونسلګري هم تړل شوې ده.
بل لورته هند هم له مزار شریف ښار څخه خپل ديپلوماتان ایستلي دي، خو چارواکو یې ویلي، چې د کونسلګرۍ چارې به د افغان او ځايي همکارانو پر مټ مخ ته وړل کېږي.
د یادونې ده چې هند وړمه ورځ له کندهار نه هم خپل دیپلوماتان ویستلي وو.