تاند ( چهارشنبه، د سرطان ۹) د انګلستان په سوداګریز لیګ ویټالیټي بلاسټ لوبو کې تېره شپه د محمد نبي او نوین الحق لوبډلو ترمنځ لوبه ترسره شوه.
پیل کې لیسټرشایر پچه وګټله او لومړی یې توپ وهنه غوره کړه.
لیسټر شایر په ټاکلو ۲۰ اورونو کې د ټولو لوبغاړو په سوځېدو ۱۳۸ منډې وکړې.
سکاټ سټیل ۴۴ او هیري سینډیلس ۳۲ زیاتې منډې وکړې.
د محمد نبي اړوند نارتهمپټن شایر لوبډلې په ۱۹ ام اور کې د ۵ لوبغاړو په سوځېدو ټاکل شوی هدف پوره کړ او لوبه یې وګټله.
د دوی له خوا روب کیخ ۳۴ ناسوځېدلې، ریکارډو ۳۰ تر نورو ډېرې منډې وکړې.
محمد نبي په توپ اچونه کې ۱ لوبغاړی وسوځوه او په توپ وهنه کې بیا ۸ منډې وکړې خو مقابل کې بیا نوین الحق ۲ لوبغاړي وسوځول او په توپ اچونه کې بیا ۸ منډې وکړې.
په ویټاليټي بلاسټ لوبو کې تر دې دمه په توپ اچونه کې نوین الحق تر ټولو مخکښ دی نوموړي په ۱۰ لوبو کې ۱۷ لوبغاړي سوځولي دي.