تاند ( چهارشنبه، د سرطان ۲) د کونړ ولایت پر مرکز اسعداباد د هاوان دوه مرمۍ لګېدلي.
دیاد ولایت د امنیه قومندانۍ ویاند فرید دهقان رسنیو ته ویلي، چې دا مرمۍ نن سهار شاوخوا شپږ نیمې بجې د کونړ په مرکز اسداباد ولګېدې.
دهقان وایي، یوه مرمۍ د ملکي وګړو د کورونو تر څنګ لګېدلې او بله یې د اسعداباد مرکزي روغتون کې لګېدلې، چې له امله یې روغتون اور اخیستی دی.
نوموړی زیاتوي، چې د یادو مرمیو د لګېدو له امله چا ته ځاني زیان نه دی اوښتی خو مالي زیان یې اړولی دی.
دهقان د مالي زیان په اړه څه نه وایي، چې څومره مالي زیان یې اړولی دی.
تر اوسه لا معلومه نه ده، چې د هاوان یادې مرمۍ چاتوغولې دی.
د دې پېښې مسوولیت هم تر اوسه چا په غاړه نه دی اخیستی.
د یادونې ده، چې له دې وړاندې په لغمان کې هم په پرلپسې ډول د هاوان مرمۍ په مرکز مهترلام لګېدلي او عامو خلکو ته یې مالي او ځاني زیانونه اړولي دي.