تاند(دوشنبه، د جوزا ۳۰) ولسمشر غني د هېواد له یو شمېر سیاسي او جهادي رهبرانو سره مشورتي ناسته کړې ده.
له ولسمشري ماڼۍ څخه په خپرو شوو مالوماتو کې راغلي، د غونډې ګډونوالو ټینګار کړی چې د سولې پروسه د افغان دولت لومړیتوب دی او د دې بهیر ټول راتلونکي ګامونه به په تفاهم او اجماع اخیستل کېږي.
په دې ناسته کې دغه راز امریکا ته د ولسمشر غني سفر مهم بلل شوی دی.
د سرچنیې په خبره، ولسمشر غني د واحد صف او د سیاسي اجماع د پیاوړتیا لپاره دغه ډول ناستې مهمې بللې او د دا ډول ناستو د دوام پرېکړه یې کړې ده.
دا ناسته داسې مهال کېږي، چې سپینې ماڼۍ امریکا ته د افغانستان د ولسمشر محمد اشرف غني او د ملي مصالحې عالي شورا د مشر عبدالله عبدالله د ورتګ خبر ورکړی دی.
د سپینې ماڼۍ ویانده جن ساکي وايي چې ولسمشر بایډن به د جون ۲۵مه غني او عبدالله ته په سپینې ماڼۍ کې ښه راغلاست ووایي.
د سپینې ماڼۍ څخه په خپره شوې اعلامیه کې راغلي، په داسې حال کې چې د افغانستان څخه امریکايي عسکر وځي، د دغو مشرانو سفر به د افغانستان او امریکا ترمنځ دوامدار مشارکت څرګند کړي.
اعلامیه وړاندې لیکي: «د امریکا متحده ایالتونه د افغان مېرمنو او نجونو په ګډون د افغانانو سره د مرستې لپاره ژمنه ده چې افغانانو ته دپلوماتیکي، اقتصادي او بشري مرستې برابرې کړې.»
اعلامیې همدا راز زیاته کړې، چې امریکا به د افغانستان له حکومت سره ژورې اړیکې ولري چې بیا دا هېواد د ترهګرو ډلو په ځالې بدل نشي او امریکا ته ګواښ پېښ نکړي.
ویل کیږی چی افغان ولسمشر او د مصالحی عالی شورا مشر ۲۵ جون امریکا ته لاړ شی چی ۲۶ جون د نشیو توکو سره د مبارزی نړیواله ورځ سمون خوری سفر لری او همدارنګه ویل کیږی چی راتلوونکی اونی د عبدالله په مشری ځینی جهادی او سیاسی څیری دوحی ته د طالبانو سره مذاکره لپاره لاړ شی نو اوس د حیرانی خبره ده چی عبدالله امریکا ته څه وخت ځی او قطر ته څه وخت روانیږی
ځینی سیاسیون فکر کوی چی امریکا او پاکستان کوښښ کوی چی د عبدالله یعنی شورا نظار ډلی او طالبانو ترمینځ شریک نظام جوړ شی ځکه نو طالبان په دولتی چارو نه پوهیږی او د شورای نظار ډله د پاکستان ټولو غوښتنو مثبت غږ پورته کوی ځکه کله چی عبدالله پاکستان ته لاړ نو داسی استقبال وشو لکه د یو دولت ولسمشر او همدارنګه یی اوس مسعود په نوم په اسلام آباد کی دده یو جاده جوړه کړه