تاند- د امازون د بنسټګر پخوانۍ ماندینې مکنزي سکاټ اعلان وکړ چې دوه ملیارده او ۷۰۰ ملیون ډالره مرستندویو ټولنو او هغې موسسې ته ورکوي چې د جنسیتي برابرۍ په برخه کې کار کوي.
اغلې سکاټ، چې د نړۍ تر ټولو شتمنه ښځه ده، د ټولنیزو شبکو له لارې د دغه خبر د اعلانولو ترڅنګ ویلي دا پیسې چې دې بخښلي؛ د مرستو ترلاسه کوونکو ته د مثبتو فعالیتونو لار هواروي.
مکنزي سکاټ تر دې وړاندې په ۲۰۲۰ کې هم د خپلو شتمنیو ۶ ملیارد ډالره د کورونا ځپلیو د مالي مرستو پروګرام، د تورپوستو تعلیمي مرکزونو، د جنسیتي مساوات په برخه کې فعالو موسسو او پوهنتونونو ته بخښلي وو.
د فوربس مجلې پر اساس د مکینزي سکاټ شتمني ۶۰ ملیارد ډالرو ته رسېږي.
دا پیسې یې په ۲۰۱۹ کې له خپل مېړه جیف بیزوس څخه د طلاق پر سر له جوړجاړي وروسته ترلاسه کړې.
بیزوس خپلې مېرمن (سکاټ) ته د طلاق ورکولو په بدل کې هغې ته په امازون شرکت کې د خپلې شتمنۍ په سلو کې ۴ ورکړه. په وروستیو دوو کلونو کې د دغه شرکت د ونډو ارزښت خورا لوړ شوی دی.
د امریکا اکثره ملیاردران لکه د مایکروسافټ بنسټګر بیل ګېټس او د هغه پخوانۍ ماندینه ملیاردونه ډالره مرستندویو ټولنو ته ورکړي دي.