تاند (پنجشنبه د ثور ۳۰) د لغمان ولایت سیمه ییز چارواکي وايي چې د دولت شاه ولسوالۍ د طالبانو لاس ته لوېدلې.
د چارواکو په خبره چې دغه ولسوالۍ له څو ورځو راهېسې تر محاصرې لاندې وه چې نن سهار ترې امنیتي ځواکونو شاتګ وکړ.
خو ځینو امنیتي سرچینو بیا ویلي چې د دولت شاه ولسوالۍ سرتيرو يوه اونۍ مقاومت وکړ، مګر د مرکز له خوا اکمال نه شول او نن سهار ۴۵ :۶ بجې په ولسوالۍ کې پاتې ژوندي سرتيري طالبانو ته تسليم شول او ولسوالي طالبانو ونيوله.
د لغمان د ولايتي شورا غړي وایي چې دغه ولایت ورځ تربلې د سقوط خوا ته نږدې کېږي.
د معلوماتو پر اساس په تېرو څلورويشت ساعتونو کې افغان سرتېرو له مقاومت پرته ۷ پوستې په الينګار ولسوالۍ کې طالبانو ته پرېښي دي.
طالبانو تر اوسه په دې هکله څه نه دي ویلي.