تاند ( یک شنبه، د ثور ۲۶ مه) د بامیان ولایت د رسنیو دفتر په یوه خبرپاڼه کې وایي،چې د افغانستان د غر ختونکو د ټیم اتو نجونو په دوهم ځل د بابا غره شاه فولادي څوکه فتحه کړه.
سرچینه وایي، چې په دې ډله کې عاقله هاشمي، فاطمه سلطاني، زهرا کریمي، حسینا حسین زاده، مبارکه محمدي، اژیناجهانبین، مرضیه مهاجر او ریحانه محمدي شاملې دي.
د سرچینې په حواله دغه اته کسیز ټیم وړمه ورځ، چې د بابا غره لوړې څوکې ته پورته شي.
د یادونې ده، چې له دې وړاندې د یاد ټيم دوو لوبغاړو د افغانستان تر ټولو لوړه څوکه نوشاخ فتحه کړې وه.
د معلوماتوله مخې د بابا غره شاه فولادي څوکه د افغانستان یو له لوړو څوکو څخه شمېرل کېږي، چې د سمندر له سطحې شاوخوا ۵۱۴۰ متره لوړوالی لري.