تاند(جمعه، د ثور ۲۴) په افغانستان کې نن د درې ورځني اوربند په دوهمه ورځ لږ تر لږه ۱۳ لمونځ کوونکي د کابل ولایت په یوه جومات کې په چاودنه کې ووژل شول.
په دې چاودنه کې چې د شکردرې ولسوالۍ په یوه جومات کې وشوه، تر شلو ډېر نور کسان ټپیان شوي دي.
په وژل شویو کې د جومات ملا امکام هم شامل دی.
د پولیسو په وینا چاودنه د شکردرې ولسوالي د قلعه مرادبېک په بخشي جومات کې شوې ده.
د کابل د امنیه قوماندانۍ ویندوی، فردوس فرامرز وویل، چاودنه د جمعې د لمانځه پر مهال شوې ده.
پولیس وايي چې بم د جومات په محراب کې ایښودل شوی و. په وژل شویو کې د جومات ملا امام مفتي نعمان هم شامل دی.
تر اوسه د پېښې مسوولیت چا نه دی منلی.
له اوربند سره- سره د اختر په اوله ورځ په کندهار، کندوز او غزني کې د ماینونو د چاودنو له کبله لږ تر لږه د ۱۱ ملکیانو د وژل کېدو راپورونه ورکړل شوي دي.
تراوسه پورې کومې ډلې د دې د دغو چاودنو مسوولیت په غاړه نه دی اخیستی.
نن د اروزګان د ترینکوټ په لمنو کې د ملي اردو پر یوې پوستې د طالبانو په بید کې یو سرتېری وژل شوی دی.
پرون د کندهار په میوند او پنجوايي ولسوالیو کې دوو چاودنو د ماشومانو په ګډون ۱۱ ملکي وګړي ووژل او درې نور یې ټپیان کړل.
په کندوز کې هم یوې چاودنې دوه ملکي وګړي ووژل او څوارلس نور یې ټپیان کړل. د رویټرز خبري آژانس د راپور له مخې، په غزني کې د سړک د غاړې ماین چاودنې دوه ملکي وګړي ووژل.