تاند (جمعه د ثور ۲۴) د پروان ځايي چارواکي وايي چې ناپېژانده وسله والو د دغه ولایت په سیدخیل ولسوالۍ کې یوه ښځه او خاوند وژلي دي.
د سیدخیل ولسوالۍ ولسوال لمر عثمان یار ویلي دغه پېښه تېره شپه شاوخوا ۱۰:۳۰ بجې رامنځته شوې ده.
د عثمان یار په خبره چې دغه پېښه د کورنۍ تاوتریخوالي له امله رامنځته شوې ده.
د نوموړي په خبره چې تر اوسه ددې پېښې په تړاو کوم څوک نه دي نیول شوي، خو پولیسو خپلې پلټنې پیل کړي دي.
پروان له هغو ولایتونو څخه دی چې ډېر کله په کې د کورني تاوتریخوالي له امله دغه ډول پېښې رامنځته کېږي.