تاند ( سې شنبه، د ثور ۲۱) کورنیو چارو وزارت وسلوالو طالبانو سره د اړیکو په تړاو د اوه کسانو د نیول کېدو خبر ورکوي.
له دغې وزارت څخه په خپره شوې خبرپاڼه کې راغلي چې تېره شپه د پولیسو ځانګړو ځواکونو د کابل په موسهي ولسوالي کې ځانګړي عملیات ترسره کړي دي.
خبرپاڼه زیاتوي، د دغو عملیاتو په ترڅ کې اووه تنه له وسلوالو طالبانو سره د همکاري په تړاو نیول شوي دي.
ورته مهال ملي امنیت ریاست وایي چې ملي امنیت ځانګړو ځواکونو د کابل په پغمان او بګرامیو ولسوالیو کې پنځه تنه د هدفي وژنو او نورو پېښو په تړاو نیولي دي.
ملي امنیت د خبرپاڼې په خپرولو سره ویلي، چې افغان ځواکونو نوموړي کسان د پغمان ولسوالي له «باغ داود» سیمې او د بګرامي له «ګوسنفد سې» سیمې څخه نیولي دي.
خبرپاڼه کاږي، نوموړو کسانو په هدفي وژنو او ترهګریزو بریدونو کې لاس درلود.
تر دې یوه ورځ وړاندې هم د ملي امنیت ځانکړو ځواکونو په ننګرهار کې یو پاکستانی نیولی و.