تاند- ۱۶۹۱ کاله پخوا د ۳۳۰ میلادي کال د مې په ۱۱ مه د روم امپراتور کینستانتین د قسطنطنیې (کنستانتینویل) ښار رسماً د روم پر ځای د روم د امپراتورۍ پلازمېنه غوره کړ.
د روم امپراتوري تر دې یوه پېړۍ لا دمخه خورا پراخه شوې وه، تر دې چې د دې پراخ ټاټوبي کنټرول او اداره ناشونې شوې وه.
په ۲۹۳ ع کال د روم امپراتور (دیوکلسین) د حکومت مرکز له څلورو ښارونو، چې له خطر سره مخامخ ول، لېري کړ.دا څلور ښارونه عبارت ول له اوسني میلان، نیکومدیا، سیرمیوم او تروس.
خو د خپلو پولو د ساتنې لپاره د ده هلوځلو د بربر قومونو په وړاندې ګټه ونه کړه.
ځای ناستي کنستاتین وروسته له دې چې امپراتوري بېرته یو لاس کړه د باسفور په ساحل کې نیکومدیا ښار پلازمېنه وټاکله.
خو دی د پلازمېنې لپاره د یوه مناسب ځای په لټه کې و.په ۳۲۴ ع کال کې یې بیزانس ښار غوره کړ.
بیزانس (قسطنطنیه) ښار تر دې نېټې زر کاله پخوا په ۶۶۷ میلاد مخکې کال کې د هو مهاجرو له لوري جوړ شوی و چې له مګاره راغلي وو.