تاند ( شنبه، د ثور ۱۱مه) د افغانستان لپاره د پاکستان ځانګړي آستازي محمد صادق په خپل ټویټر لیکلي، چې د افغانستان او پاکستان ترمنځ د “چمن” لاره به سر له نن څخه پرانیستل شي.
هغه لیکلي، چې دا لار به د سوداګریزو توکو او ټرانزیټ پر مخ د ورځې ۱۸ ساعتونه خلاصه وي.
د معلوماتو له مخې تېره دوشنبه د ثور په شپږمه یاده لار د افغان پوله ساتو ځواکونو او پاکستاني ملېشو ترمنځ د جګړې له امله وتړل شوه.
امنیتي سرچینو هغه مهال ویلي وو، چې پاکستاني ملېشو هڅه کوله د سپین بولدک ولسوالۍ په لقمان کلي کې اغزن سیم ولګوي، چې د افغان ځواکونو له غبرګون سره مخامخ شول.
د چمن لاره داسې مهال پرانیستل کېږي ، چې د افغانستان په چارو کې د پاکستان ځانګړی استازی محمد صادق تېره یکشنبه کابل ته راغلی وو او دلته یې له افغان چارواکو سره پر سوله، امنیت، سوداګرۍ او ترانزیت برخو کې د خنډونو پر حل لارو خبرې وکړي.
د افغان او پاکستاني ځواکونو ترمنځ نښته؛ د سپین بولدک ـ چمن لار وتړل شوه