تاند ( سه شنبه، د ثور ۷مه) بلخ ولایت کې یوه زوم خپل د خپل خسر پر کورنۍ برید کړی او مرګ ژوبله یې ورته اړولې ده.
د یاد ولایت د امنیه قومندانۍ ویاند عادل شاه عادل وایي، په دې برید کې زوم خپل اوښی وژلی، خواښې او خسر یې ټپیان کړي دي.
عادل زیاتوي، دغه پېښه تېره شپه د دهدادي ولسوالۍ په چهل دختران سیمه کې رامنځته شوې ده.
هغه وویل چې قاتل د بغلان ولایت اوسېدونکی دی او تر لفظي شخړې وروسته یې خپل اوښی د تفنګچې په ډزو وژلی او خواښې او خسر یې تپیان کړي دي.
د عادل په وینا پولیسو د قاتل د نیولو هڅې پیل کړي دي.
د یادونې ده چې ډېر کله د هېواد د ولایتونو په یو شمېر لرې پرتو کلیو کې د کورني تاوتریخوالي له امله ورت پېښې رامنځته کېږي.