تاند ( سې شنبه، د ثور ۱ ) د باليووډ فلمونو ځينې مشهور اداکاران چې اوس ټوله نړۍ کې کروړونه مینوال لري د لومړي ځل لپاره که یې له ګټو خبر شئ حیران به شئ.
دوی چې اوس يوازې په يو فلم کې د کار کولو کروړونه روپۍ اخلي پوهېږئ په لومړي ځل یې کوم کار ترسره کړى و او بدل کې يې څومره پېسې يا څومره معاش ترلاسه کړى و؟
د بالیووډ د مشهورو ۷ هغو فلمي اداکارانو هغه یې در په ګوته کوو، کومو چې په لومړي ځل د کار کولو په بدل کې د میاشتې له اتو تر لس زرو هندي کلدارې ترلاسه کولې.
اميتاب بچن: د هندي فلمونو تر ټولو پخوانی او په اصطلاح د ټولو پلار اداکار دی چې لا هم ژوندی دی او د خپلې کورنۍ سره ګډ ژوند مخ ته بیایي.
دې مشهور اداکار په فلمونو کې د کار کولو څخه مخکې په يو فلمي شرکت کې د مزدورکار په توګه کار کاوه چې په وینا یې هغه وخت ورته د ډېر کار په بدل کې ورته کمې پیسې یعنې د مياشتې ٥٠٠ هندي کلدارې ورکول کېدې.
شاه رخ خان: شاه رخ خان چې د بالیووډ پاچا ګڼل کیږي له خپلو اولادونو او مېرمنې سره په هندوستان کې ژوند کوي خو د دریو سر په سر فلمونو ناکامۍ وروسته یې لس کاله کیږي کوم فلم نندارې ته نه دی وړاندې کړی.
نوموړى چې دا مهال د باليووډ کنګ خان يا پاچا ګڼل کېږي، لومړنۍ ګټه يې يوازې ٥٠ هندي کلدارې وه، دا پېسې هغه ته د پنکج اداس په يو کنسرټ کې ورکول شوې وې چې شاه خان ورسره پکې کار کړى و.
پريانکا چوپړا: دا اداکاره چې د فلمونو تر څنګ د سندرو ویلو ذوق هم لري له یوه امریکایي سندرغاړي سره یې واده کړی او په امریکا کې ورسره ګډ ژوند کوي.
چوپړا په ٢٠٠٠ م کال کې د مس ورلډ لقب وګاټه او بيا يې د ٥٠٠٠ کلدارو په بدل کې دنده پيل کړه، خو اوس نوموړې د باليووډ تر څنګ په هاليووډ کې هم ډېر لوى نوم او ښه پرېمانه سرمایه لري.
عامر خان: عامر خان چې یو مسلمان لوبغاړی دی اوس هم په فلمي نړۍ کې کار کوي.
عامر خان په خپله یوه مرکه کې وایي چې په لومړي فلم (قيامت سى قيامت تک) کې د کار کولو ١٠٠٠ هندي کلدارې ورکړل شوې وې، او اوس د يو فلم ٥٠ کروړه يا ٥٠٠ ميليونه روپۍ اخلي.
اکشى کمار: دا بیا د اکټنګ تر څنګ یو شوخ مزاجه او تفریح خوښوونکی اداکار دی او تر ټولو ډېر هر کال دوه یا درې فلمونه بازار ته وړاندې کوي.
نوموړي فلمونو ته له راتګ مخکې په بېنکاک کې د اشپز په توګه کار کاوه، اوس چې هغه يو له ګرانبيه اداکارانو څخه دى، خو هغه وخت يې د مياشتې يوازې ١٥٠٠ روپيو باندې کار کاوه.
سونم کپور: دا مشهوره اداکاره او موډله چې فلمونو کې د کار کولو څخه مخکې يې د سنجى ليلا بنسالي سره د مرستيالې ډايريکټرې په توګه کار کړى و، ٣٠٠٠ روپۍ ورته ورکول شوې وې.
ريتيک روشن: نوموړي په فلمونو کې د اداکارۍ تر څنګ په خپله نڅا هم د خلکو زړونه ګټلي دي، هغه په لومړي ځل د جيتيندر سره په اشا فلم کې په يوه سندره کې نڅا کړې وه، چې په بدل کې يې ورته سل روپۍ ورکول شوې وې.