تاند ( دوشنبه، د حمل ۳۰) د هند سوداګریزو لوبو په لړ کې نن ماښام د چینای سوپرکېنګز او راجستان رایلز لوبډلو ترمنځ لوبه ترسره کېږي.
دا لوبه د افغانستان پر وخت شپږ نیمې بجې پيلېږي.
له دې وړاندې د آي پي اېل ١١مه لوبه د پنجاب کېنګز او ډيلي کاپيټلز لوبډلو ترمنځ ترسره شوه، چې ډهلي کاپيټلز لوبډلې په کې بریا خپله کړه.
په دې لوبه کې لومړی پنجاب کېنګز لوبډلې توپ وهنه وکړه او په ټاکلو ٢٠ اورونو کې یې د ٤ لوبغاړو په سوځېدو ١٩٥ منډې وکړې.
ماينک اګروال ٦٩، لوکيش راهول ٦١ او ديپک هوډا ٢٢ ناسوځېدلې منډې وکړې.
ډيلي کاپيټلز لوبډلې په ۱۹ ام اور کې د ٤ لوبغاړو په سوځېدو پوره کړ.
شيکر دهون په ٤٩ توپونو ٩٢ منډې وکړې.