تاند ( یک شنبه، د حمل ۲۹) د بادغیس د ولایتي شورا رییس عبدالعظیم بېګ وایي، تېره ورځ مازدیګر د مقر ولسوالۍ سنجیتک کلي کې یوه نفوذي کس درې پولیس وژلي دي.
بېګ زیاتوي یاد بریدګر له برید وروسته د پولیسو وسلې هم له ځانه سره طالبانوته وړي دي.
د دې پېښې په اړه د بادغیس امنیتي مسوولانو تر اوسه څه نه دي ویلي.
دغه راز د یوه بل خبر له مخې په هرات ښار کې تېر ماښستن د مجاهدینو بریا ورځې په مناسبت پراخې هوایي ډزې شوي.
ځايي خلک وایي د دې ډزو له امله څلور تنه ټپیان شوي دي.
د هرات اوسېدونکي پر امنیتي مسوولانو د نیوکې ترڅنګ، د پېښې د عاملينو سره د قانوني چلند غوښتنه کوي.
بل لورته بیا د هرات ولایت مقام وايي چې د دغه هوایي ډزو په تړاو یې یو شمېر کسان نیولي دي.
ننګرهار کې پر لمونځ کوونکو برید؛ د یوې کورنۍ اته غړي وژل شوي