تاند ( یک شنبه، د حمل ۲۹) د هند سوداګریزو سیالیو «آی پي اېل» نهمه لوبه د ممبی انډينز او سنرايزر حیدر آباد لوبډلو ترمنځ ترسره شوه.
ممبی پچه وګټله او لومړى يې د توپوهنې پرېکړه وکړه.
ممبی انډينز په ټاکلو ٢٠ اورونو کې د ٥ لوبغاړو په سوځېدو ١٥٠ منډې وکړې.
ډي کاک ٤٠، پولارډ ٣٥ ناسوځېدلې او روهيت شرما ٣٢ منډې وکړې.
په توپ اچونه کې مجيب الرحمن او شنکر ٢-٢ لوبغاړي وسوځول.
د سنرايزر حیدراباد ټوله لوبډله په ۲۰ ام اور کې د ١٣٧ منډو په جوړولو سره وسوځېده.
جوني بريسټو ٤٣، ډيويډ وارنر ٣٦ او ويجى شنکر ٢٨ منډې وکړې.
ممبی لپاره بولټ او راهول چاهار ٣-٣ لوبغاړي وسوځول.
د هند سوداګریزو لوبو کې نن دوه لوبې ترسره کېږي.
رايل چېلنجرز بېنګلور له کلکته نايټ رايډرز او د ډهلي کاپيټلز له پنجاب کېنګز لوبډلو لوبېږي.