تاند ( جمعه، د حمل ۲۷) د هند په سوداګریزو سیالیو کې نن ماښام د پنجاب کېنګز او چيناى سوپر کېنګز لوبډلو ترمنځ لوبه ترسره کېږي.
دا د روانو لوبو اتمه لوبه ده .
چيناى سوپر کېنګز لومړۍ لوبه کې له ډهلي کاپيټلز لوبډلې د ٧ ويکټو په توپير ماتې خوړلې.
خو پنجاب کېنګز بيا خپله لومړۍ لوبه د راجستان رايلز لوبډلې سره ترسره کړه او د ٤ منډو په توپير يې په دغه لوبه کې بريا خپله کړه.
په یاد لیګ کې اوومه لوبه د ډهلي کاپيټالز او راجستان رایلز لوبډلو ترمنځ ترسره شوه، چې راجستان په کې بریا خپله کړه.
په یاده لوبه کې ډهلي راجستان ته د ۱۴۸ منډه هدف ورکړی وو.
د لوبې په وروستیو شېبو کې داسې ښکارېده چې دهلي به لوبه ګټي خو د کریس موریس وروستیو دوو شپږیزو راجستان ته بریا ور په برخه کړه.