تاند ( شنبه، د حمل ۲۱) د هرات په کمرکلاغ سیمه کې د ګازو یو شرکت اور اخیستی.
تراوسه د اورلګېدنې څرنګوالی نه دی معلوم.
د هرات والي سید وحید قتالي وايي، چې د اور کچه دېره لوړه ده او دوی یې د مهارولو هڅې پيل کړې دي.
قتالي زیاتوي سیمې ته د اور وژنې ډله رسېدلې او هڅه کوي، چې اور مهار کړي.
بل لورته ځایي سرچینې وایي، چې تر دې دمه د ګازو څلور ټانکرو چاودنه کړې خو زیاتوي د مالي او ځاني زیان په اړه معلومات نه لري.
د یادونې ده چې څه موده وړاندې د هرات ولایت د اسلام کلا په بندر کې هم اور له امله
۵۰۰ د تېلو او ګازو ټانګرونه سوځېدلي دي.