تاند ( جمعه، د حمل ۱۳ ) په اسټرالیا کې یوه ښایسته ښځينه مرغۍ د ځان په څېر نورې مرغۍ د ځان لور ته را جلبوي او ورسره یو ځای څو شېبې تېروي.
دا مرغۍ چې د اسټرالیا هېواد د الوتونکو په یوه فارم کې ساتل کېږي، په ښایسته اواز سره یې نور رنګارنګ الوتونکي پر ځان را مات کړي دي.
د معلوماتو له مخې، څېړنو ښودلې، مرغۍ هغه الوتونکی دی چې د عقل او هوش له اړخه ښه فکر لري او هم د جذب په برخه کې ژر اغېز کوي.
دا ښایسته مرغۍ چې ښځینه ذات دی ټوله ورځ سندرې او غاړې کوي او په دې توګه یې نور الوتونکي هم له ځانه سره پوره خوښ ساتلي دي.
د خپرو شویو معلوماتو له مخې، دا مرغۍ چې کله د ونې پر خاښ کېني او سندرې شروع کړي، نو نورې مرغۍ هم د دې څنګ ته ورځي او ورسره خوښۍ څرګندوي.
د راپورونو له مخې، په اسټرالیا کې دا مهال تر ۳ سوه ډوله پورې مرغۍ شتون لري او د ځینو مرغیو په یو ځایوالي سره ترې بل نوی نسل هم زېږیږي.
دا مرغۍ په خپلو سندرو سره تر ډېره پورې د مرغیو د نورو نسلونو نارینه و سره یو ځای کېږي او ترې هماغه نسل زېږیږي.