تاند (چهارشنبه د حمل ۱۱) د افغانستان د ملي دفاع وزارت وايي، په هلمند کې د افغان پوځ یوې څرخکې بیړنۍ ناسته کړې ده.
ددې وزارت ویاند فواد امان نن چهارشنبه ماخوستن ۹:۰۵ بجې پر خپل ټویټر لیکلي، د افغان هوايي ځواکونو یوې بلک هاک څرخکې د هلمند ولایت په نهر سراج ولسوالۍ کې د تخنیکي ستونزې له کبله بیړنۍ ناسته کړې ده.
د ښاغلي امان په خبره، په دې پېښه کې کوم چاته زیان نه دی رسېدلی او زیاته کړې یې ده چې د ملي دفاع وزارت د څرخکې د بیړنۍ ناستې په هکله څېړنه کوي.
یک هلیکوپتر نوع بلاک هاک قوای هوایی در مربوطات ولسوالی نهرسراج ولایت هلمند بر اثر مشکلات تخنیکی، نشست اضطراری کرده است. خوشبختانه به سرنشینان این هلیکوپتر آسیب نرسیده بوده و این حادثه تلفاتی نداشته است. وزارت دفاع ملی چگونگی نشست اضطراری این هلیکوپتر را بررسی می کند.
— Fawad Aman (@FawadAman2) March 31, 2021
دا چې دغه پېښه کله رامنځته شوې د ملي دفاع وزارت یې په هکله معلومات نه دي ورکړي.
بله خوا یوې امنیتي سرچینې ویلي، ۲۱۵ میوند قول اردو کې یوه څرخکې سقوط کړی دی چې د دوه پیلوټانو په گډون په کې ۷ تنه ژوبل شوي دي.